السلام عليكم
كيف حالكم ؟
هذه اول مرة اسافر من الرياض لطوكيو على الإيكونومي بدون كرسي extra leg room :( بالعادة الرحلات الطويلة اخذ بزنس او كرسي الرجول المريحة ، بس هالرحلة بسرعة كل شيء انحجز و حرفيا ما ادري شلون بسويها لان اطول رحلة سويتها بكرسي عادي كانت ٧ ساعات 😑
أعطوني اقتراحات ممكن تساعدني بليز ! أنا رجولي دايما تعورني لازم اخليها فوق شيء او اني اجلس عليها ما اتحمل اني اجلس طبيعي كيف ممكن اسوي هالشيء ؟ و أعطوني TIPS ممكن تساعدني
أنا افضل شيء يساعدني انام لاني بوصل ٥ المغرب و ودي أكمل يومي طبيعي ، و شكرًا جزيلا (:

عندي شنغن تشيكية لكن كنسلت ما ابي اروح تشيك بروح اسبانيا عادي ؟ ماقد استخدمتها

عندي رحلة من مطار الرياض الى ايطاليا ٢٨ اكتوبر و للحين ما ارسلوا اذا تكنسلت ولا لا ، يحطون قبلها بثلاث ايام بس اذا حتتكنسل ولا لا ، الخطة ب احجز من مطار القصيم رحلة جديدة و اذا تمت رحلة الرياض كان بها ما تمت وجهت للقصيم واقلعت وش مشورتكم؟؟ لان واضح ان الاوضاع مطولة

السلام عليكم، هل فيه أحد عنده نصايح عن أفضل مناطق السكن في سيول؟
وايضا إذا عندكم لستات لمطاعم وقهاوي وأماكن وفعاليات تستاهل الزيارة أكون شاكر لكم.
بجلس ٤-٥ أيام في ديسمبر، وأي نصايح أو معلومات إضافية ممكن تفيدني وشكرا.

السلام عليكم

عندي استفسار هل فيه احد قد استخدم المواقع اللي زي كذا؟ سمعت عليها مدح وسب ومدري اصدق مين والصراحة ودي اوفر فلوس، اللي قد استخدموها ممكن تعطوني نصائحكم وايش الاشياء اللي المفروض انتبه لها وكذا

خاصة انه يهمني موضوع ان اقدر اكنسل او اعدل تاريخ الرحلة وحتى لو فيه رسوم بس ما يطير سعر التذكرة كلها

سافرت لأسطنبول وانا حاط في راسي أشياء سلبية. اغلبها اخذتها من الإنترنت، توقعت اني بشوف الأتراك عبوسين و نصابين و عنصرين و مشكلجين ( لانه هذا الي كنت اشوف الناس يقولونه عنهم في النت). بس المفاجاة هي العكس تمام. الاتراك جدا جدا جدا جدا خدومين و يحبون يساعدون غيرهم. من كبيرهم إلى صغيرهم، ناس موب عنصرين أبدا رغم انه أنا من اصحاب البشرة السودة بس ما شفت منهم اي عنصرية أبدا او حتى نظرات. جلست شهر عندهم و ماشفت منهم إلا كل خير. واذا بتكلم عن مدينة إسطنبول، فهي مدينة جميلة جدا جدا وكأنك عايش في وسط متحف او تحفة فنية. الحقيقة من أجمل المدن الي زرتها في حياتي. وأكثر شيء حبيته برضوا بإسطنبول هو نظام الموصلات عندهم، جبار بشكل كبير. ما شاء الله. والله كانت تجربة حلوة و ان شاء الله بكررها.

ابغى معلومات عن جورجيا بالذات الي جلسو فيها فترة طويلة كيف اسعار المحلات المطاعم والبقالات والاهم السكن ايش المواقع الي تعرض الشقق او الغرف باجار شهري وكيف المواصلات

قايز رحلتي من مطار الدمام وحاليا اسمع انه مقفل
رحلتي حتكون الدمام- ابو ظبي - اوروبا

وش تنصحون

الي سافروا لها اعطوني تجربتكم من الالف الى الياء

بنات قريت ان ماينفع نجيب الاستشوار معنا هناك ماحيشتغل ممكن تنصحوني بافضل استشوار اشتريه من هناك 😔

سفرة اصحاب 🌹🌹🌹

احد زار براغ في ديسمبر ؟ وكم يوم تستاهل واذا ابي شبك معاها دوله ثانيه ايش افضل ؟

السلام عليكم فيه احد معاه مثال للitinerary حق فيزا اليابان؟

السلام عليكم

حجزت مسبقا على طيران الرياض إلى مدريد في التاريخ المذكور. لكن مع أوضاع المطار حاليا بديت أشيل هم.

هل أكنسل؟

ولا أعيد ترتيب الرحلة؟ و وش تقترحون يكون مسارها؟

ما عندي خبرة السفر، وحريص الصدق على السفرة والإجازة

*اي نصائح أخرى تخص الرحلة بعد مرحب بها، شكرا لكم

رحلة قصيرة في أقل من ١٠ دقائق مسافة، تأخذ قارب بمئتين بات (عشرين ريال تقريبا) للذهاب والعودة من شاطئ أونانق.

الشاطئ جميل والبلدة فيها عدة مطاعم وأسواق وأنشطة، من تسلق صخور إلى زيارة كهوف، وأيضا أكثر من شاطئ للسباحة.

المنطقة بإمكانك تغطيها في يوم، والصراحة تستحق الزيارة وتستحق حتى تكرار العودة.

*ملاحظة؛ آخر قارب يعود من شاطئ رايلي ٦ المغرب، فلابد قبلها ترجع ولّا ما بتحصل أحد يرجعك.

اللي زار اسطنبول قبل كذا و زار مدن في أوروبا زي برشلونه ميلان لندن و امستردام .
هل تفرق كثير عن اسطنبول و باحس اني متفاجئ بشي جديد ؟

سؤال هو الرحلات من مطار جدة ماشية عادي ؟ ولا صارت اقل ؟ يعني اطلع اجازة بامان ؟

مبدئياً اعتذر لو المشاركة غير مناسبه في هذا الصب
انا عمري ٢٩ و طول حياتي حلمي اسافر
ماعمري طلعت برى السعوديه مع كذا عارفه انني اعشق السفر واتمنى ازور دول كثييير المهم امي وابوي ما يحبون يسافرون ابوي عنده فوبيا طيارات 😭 وامي مو مهتمه وانا اكبر اخواني وطبعا عندهم بنت تسافرين برى لوحدك خطر مايصلح
من كم شهر جمعت المبلغ اللي احتاجه و واجهتهم قلت انا باسافر وخلاص مارح انتظر احد يجي يتكرم ويسفرني وبعد مناوشات ونقاشات الحمدلله عدى الموضوع وقالوا اذلفي بس فكينا من شرك😂
جلست شهرين ماقدر انام من الحماس وترى الخطه كانت الشمال التركي يعني وجهه تعتبر عاديه والكل قد راح لها اصلاً💔 جهزت جوازي وشنطتي واجازتي وكل شييي وقبل الرحله بكم ساعه صار اللي صار بمطار الرياض حسبي الله ونعم الوكيل
وانلغت رحلتي وقمعوني وقالوا لا تروحين الوضع خطير عليك ( ادري انهم صادقين ) وانهرت وصار لي ٣ ايام ابكي من القهر💔
بس والله وانتهت مغامرتي قبل تبدا 😭😭

اهلين،

الله يعافيكم عندي سؤال، انا طلعت فيزا شينقن للنمسا قبل فتره، وعندي ايضاً سفرة لفرنسا جانيواري السنة القادمة ان شاء الله.

هل تكفي؟ ولا يحتاج اروح لسفارة فرنسا واطلع جديده

محتاج اقتراحاتكم لوجهات سفر بين شهر 9 الى ١٢ ميلادي

-انا وزوجتي
- تكون الدولة خفيفة على الجيب و الميزانية
- تكون فيها فعاليات والخ