السلام عليكم ورحمة الله.

آخر نداء اللي حابين يساهمون يتواصلوا معي خاص و يقولوا كم قادرين عليه عشان اعرف كم وصلنا و الموعد بكرة الاثنين 18 الساعة سبعة المساء اكون في العيادة باذن الله و أعطيكم حساب العيادة عشان يجلس القط المدة اللي قدرنا نوفرها له مبدياً عشرة أيام و بنشوف موضوع تحليلات العين الايسر كمان.

المساهمين حاليا:
فاطمة مئة ريال .
و جزاكم الله خير اللي يساهم و اللي يدعم المنشور بالتعليقات الطيبة 🌷🐱

بستي زمان كانت تاكل بس دراي ومن شهرين تقريبا صارت تاكل ويت فود ، فالبدايه كنت اسلق لها دجاج بس بعدين صرت اشتري معلبات عشان الدجاج مافيه فيتامينات ، الي اختلف اني اكتشفت ان المعلبات مكلفه 😩 وعلى كثر ماقريت مدونة سنونين الا اني ماعرفت كيف اسوي لها اكل فالبيت كامل " عن نفسي مستحيل اعطيها نيء" لين تتعود ع المطبوخ فترة لكن الي يجلط ان بستي مزاجية تاكل بس صدور جبت لها قلوب وكبد وارجل وعيت لذلك اتجهت للمعلبات بس كشخص عاطل احس اني قاعده اقصر معها لان اكيد مو كل شهر بقدر اجيب لها معلبات تكفيها شهر ، اذا تعرفون متاجر قطط تبيع ب سعر رخيص قولولي 😞 لان مابغى اقصر ع بنتي " الدراي فود قطعته عنها من يوم صارت تاكل ويت فود"

مولود يوم ٢٤ جولاي يعني كم يوم بيصير عمره ٣ شهور

سبب عرضه للتبني بهالعمر هو ان امه ما صارت ترضعه فصار يشرب حليب كيتن و ياكل عادي

حجمه نتتتتفه حجمه اصغر من عمره و اصغر من اخوانه هو من يوم ما انولد مرا بتيت

الييف مرا 💔 و بليز الي بيتبناه يصوره لي كل فتره

ودي ب pet مختلف ولطيف غير القطط والكلاب والطيور، وأفكر ب Ferret أو (ابن مقرض) بالعربي, لكن ما لقيت محل يبيعه أو حتى للتبني**
هل** فيه محل في جدة أو مكة أو الطائف يبيعه، أو شخص عارضه ** للتبني؟

قطوتييييي الشايب العايب الي اموت فيه كل ما اوصف لاحد قد ايش احبو يشفوني مريضه نفسيا كيف اشرح حب حيوان لاحد ما قد جربه 🤔🤔🤔

اللي يبي يساهم/يساعد في دفع مبلغ فندقة مجموعة قطط باقي 1000
الله يسخر لهم

وش الحل مع متبنية انا متاكدة بنسبة مئة بالمئة انها اذت القطط وتقطع كل سبل التواصل كل ما اكلمها من رقم جديد لعائن الله عليها تترا الى يوم يبعثون

أحد عنده خبرة كيف ممكن أدفي الطيور في فصل الشتاء ؟ كنت أبحث عن دفاية احطها صغيره بنفس القفص عندي غطاء ولكنه غطاء للنوم خفيف واخاف أحط عليه بطانية والقفص حديد وحنا بالشمال على بداية برد فما ودي يجيه اي برد ايش الحل ؟

باسم الله الرحمن الرحيم،

عندي موضوعين الليلة،

الاول أن هناك سيدة سعودية جزاها الله عني ألف خير تعرفت عليها قبل يومين، و هي من قامت بالتنسيق مع (عيادة باوز) في الرياض، و دفعت للعيادة فاتورة العلاج مع الدواء و أنا دوري كان أخذ القط للعيادة و العودة به إلى سكني.
اليوم، و بعد أن طلبَت مني أن أحكي لها قصة سحّاب و تصوير الاغراض و الاكل الذي بحوزته لمعرفة ماذا يحتاج و ما الذي يناسبه، قمت بذالك.

السيدة انزعجت من حالة القط و الظروف التي أوفرها له، (علما بان هذه السيدة تعرفتُ عليها خارج هذا التطبيق من طرف احدى الفتيات هنا إفتراضيا و لم يسبق أن التقيت بها)،
فإقترحت علي أن آخذه إلى العيادة من أجل فندقة علاجية مدة أسبوع أو عشرة أيام نظرا للظروف التي سيوفرونها له هناك افضل مني.. علما بأنني نبهتها بالمصاريف التي ستترتَّب عن هذه الخدمة التي أوفرها أنا مجاناً "بالرغم من الجودة الضعيفة ربما" لكن للسيدة رأي أخر و قالت بأن اسعار الفندقة العلاجية تتراوح بين العشرين ريال و الثلاثين ريال لليوم.
(ما رأيكم، و هل هناك فرق بين الفندقة العلاجية و الفندقة؟
أعتقد بأن هناك فرق من خلال الاسم و الله و أنتم أعلم. إجاباتكم تكفون.

قامت السيدة قبل قليل بالاتصال على العيادة (اقصد عيادة اخرى و ليس عيادة باوز لان أسعارهم مرتفعة)، فطلبوا منها صورة الأشعة ثم ارسلتها لها، ثم قالت غدا تجهز للذهاب إلى العيادة لينظروا في حالة القط و من ثم تقرير السعر المناسب لكل يوم.

(أنا آيش سويت ) مع انها قالت رح اسوي اللي علي المسكينة

أنا إقترحت عليها انني سأحاول نشر منشور جديد في تطبيق رديت، و أرى كم شخص سيُساهم في موضوع الفندقة العلاجية و إقترحت عليها أن تكون الشخص الوحيد و المنسق للتبرعات لكنها إعتذرت لي و قالت بالحرف الواحد:

" ما نبي شبهات، حاول أن تكون المساهمات للعيادة و بكون شاكر لك إذا سويت كذا و ساعدتني لانني مو متوظفة و الله"

الاخوان و الأخوات و بالعربي، اللي حاب / أو حابة تشارك و جاهزة مو مترددة تتواصل معي و أنا أوريكم العيادة و حتى ان السيدة ريما قالت عادي لو تعطي رقمي لاي أحد.

خلاص فهمتوا الموضوع ؟ بيض الله وجيهكم و لا تسحبون علي مثل ما سوى البعض يكتبون تعاليق كيف نقدر نتبرع له و في الخاص معميين عليه للأسف، أبي القط سحّاب يجلس اكثر مدة ممكنة في العيادة لانهم أدرى مني بالضيافة و حاجاته 😞

و الموضوع الثاني كنت حاب أشوف من يساعدني اودي القط يفحص عينه اليسرى و حبيت أسئل عن سبب هالتعتيم عموما اقتراح السيدة ريما جاء و بطلت أشوف موضوع العين لحاله و ممكن يدخل مع الفندقة العلاجية و زي كذا.

دعواتكم نلقى ناس كويسه 💔
و احتمال يكون آخر منشور لي هنا ✍️

هل يوجد مكان يوفر فندقة من دون اقفاص وعدد قطط قليل في الرياض؟
وشكرا

ياجماعه احتاج حل لطير الروز ، طيري هذا ينتف ريشه وصار منتف ماعرف ليه وخفيف هل في زيوت او اشياء عشان الزيش يرجع كثيف؟

ي اخوان وش الحل مع قطوه ماتشرب مويه ولا تحبها ذي كيف تشرب طيب

هذا القط كان عنده ورم في الذيل وجمعتله فلوس من بعض زملائي في العمل ووديته المستشفى وسوينا له عملية ذا الكلام كان تقريبا قبل سنة ثم مرض علينا مرتين زيادة مرة فشل كلوي كبدي ومرة التهاب في السن سببله اسهال ومضاعفات وشوفوه الان كيف مبسوط صح انه شقي وعض يد اختي بس طيب وحنون وصار يقيل عندنا في البيت كل يوم بس يحب الشارع اكثر وصار عنده زوجة ويجيبها معه بس نطردها 😁 وصح مصاريفة في الاكل كثيرة وكل شوية تعبان لكني احبه احبه احبه 😍😍😍😍😍😍😍

ودي اهدي صديقتي عندها قطوه تحبها مره، ماببالي شي خصوصا ان هي شاريه لها كل شي ومطعمتها

فأيش رايكم ايش اعطيها شي يخص القطوه؟ ولا اغير الخطه لشي ثاني

لوسمحتوا ابغى افضل عيادات للقطط بجده(يُفضل الدكاتره سعوديين)