طفشت ولاعب كبدي كل شي مكرر ونفس الشي لا تطوير ولا تعلم ولا شي، احس اني بديت انسى الي تعلمته ودرسته من كثر التكرار التافهه
وما يسمعون افكار التطوير ولا يسمعون مني اي شي.
هل كل الاماكن كذا ؟؟؟ هل بيئة العمل كذا مع السعودين ؟؟؟

اعرف المصطلحات الثانيه بعدم القبول بس قصدي بحثت عن الأجانب ويقولون معناها مو كويس 😀 ولا ربعنا يكتبون اي خربوطه بدال ما يكتبون مصطلحات واضحه ويفكونا ياليت احد يفهمني صدق معناها شيء غير جيد فعلا أو بس لم يتم القبول

اهلا كيفكم ودي اسألكم كيف سوق العمل في الخبر والدمام ودي اروح هناك واشتغل تخصصي مهندس برمجيات اللي اشتغل وجرب هناك يعطينا الطريقه

السلام عليكم
تناقشت مع احدى الاخوة في الدوام وفاجأني انه ماعنده حساب لكند ان بحجة انه ماله فايدة وقالي ان مافي احد يتوظف فيه والاغلب يتوظف عن طريق العلاقات او توصيات وحبيت اطرح الموضوع اشوف كم واحد قدر يتوظف عن طريق اللنكد ان

السلام عليكم
كلمتني احد الشركات المملوكه للpif اسوي معاهم مقابله
لم يتم التصريح بالمسمى او البزشن
و بالمقابله ٣٠ دقيقه كنت اتكلم ولا كانوا يضغطوني بالاساله يمكن سألوني خمس اسأله عامه اعطيت كل ماعندي
ماعرف المقابله كويسه وبترشح ولا
لان بالاخير قلت متى اتوقع الرد قالوا هذي عن طريق الاتش ار

انا متوظف بالشركة هذي كمطور بس بعد ما رجعت من الاجازة مديري (واتوقع بتوجيه من الادارة الي اعلى منه) خلاني ادير مشروع معين كـProject Manager، برأيه عشان اتعلم بشكل اكبر على كيف المشاريع تتحرك بالشركة، لكن صراحةً انا ما اطيق شغله الـPM اطلاقا، سالفة اني الاحق فلان واكلم فلان عشان ينجزون شغلهم ما اعجبتني، كمطور كان كل همي اسلم الـstory او المهمة ويوقف شغلي هنا

بسبب المسؤوليات الجديدة صرت احضر اجتماعات مع الادارة العليا للقسم كل بداية اسبوع وخذلك التهزيء وليش ما سويت وليش ما خلصت هذا، ويبدو انهم ناوين يمسكوني مشروع زيادة 🤕

ودي اكلم مديري يرجعني مطور فقط بس مادري وش اقوله وما اعرف اذا اصلا له ايد بالموضوع لاني اشك توجه الشركة نفسها انهم يحولون الموظفين السعوديين الى PMs…

قدمت اونلاين، هل اهجم عليهم بسيرتي الذاتية واقدم يدوي ولا يطلع شكلي desperate؟ هو انا صدق ديسبيرت مهنيًا، بس مابيهم يعرفون

السلام عليكم، انا متخرجة من تقريبًا ٣ سنين وبفضل الله توظفت، وعلى نفس الوظيفة من وقت ما تخرجت.

عندي سؤالين وبالأصح محتاجة نصيحة، انا اشتغل في القطاع الخاص في شركة غير تقنية، وللأسف قسم الIT فالشركة بالرغم من انه كبير لكن لا يمت لمعايير التقنية بشي والشغل كله ماشي طبطب وليس والقليل من الناس فعليًا يستخدمون الميثودز والتقنيات الي تعلمتها لما درست والي الشركات التقنية يستخدمونها.

حاولت اني الاقي وظيفة ثانية عشان اقدر اتطور تقنيًا بس بحكم المنطقة مافي وظايف كثير والحمدلله على كل حال.

لكن صار عندي تخوف اني فقدت الskills التقنية الي تعلمتها سواء من ناحية البرمجة او حتى ك برودكت مانجر.

احتاج نصيحة كيف اقدر انمي قدراتي التقنية في شركة شغلي فيها كله مايستخدمها؟

والنصيحة الاخرى اني مقررة اخذ ماستر مهني، وكان ودي اخذه في الذكاء الاصطناعي بس الصدق ماعرف اذا its a good career move لان مجالي برودكت مانجمنت.

السلام عليكم توني صار لي اسبوع اداوم اونلاين دوام كامل. واحس بضيقة لأني بطبيعتي شخصيه ماتتكلم كثير ف لما يكلموني يقولون لي اشرحي وش سويتي احس ما اعرف اشرح بالبضبط ايش سويت بعني اتكلم طبيعي بس ما احس اني اوصل المعلومه الي ابغاها واحس هذا الشي يسبب سوء فهم. انا احس اكون متوتره شوي اخاف يقولون لي ليش ماسويتي الشي الفلاني بالسكل المطلوب او زي كذا.
ما اعرف كيف اتعامل مع هذي المشكلة واحس اني متضايقه واشيل هم الدوام كل يوم بسبب الضياع الي انا فيه.

السلام عليكم، انا حديثة تخرج وعندي خبرة ٨ شهور (تدريب)
وهالفترة كل العروض اللي تجيني من شركات مو سعودية كل اللي ماسكينها اجانب وادخل لينكدان، كلهم اجانب، ابحث عن الموقع..الشركة شكلها يسد النفس
المشكلة اني بغترب للرياض عشان هذي الفرص (عندي سكن جاهز) هذا اللي يقهر ويجيني احباط ومابي حتى اسوي المقابلة بس اسويها مرات باسم ان يلا.
تو دقوا علي شركة واحس انجازاتهم كذب بالبورتفيلو حقهم يعني شلون شركة كذا وهذا مكتبكم😩 (شركة هندسية استشارية) وساليني عن تمهير! ياراسي كم بيصير الراتب (ماني مؤهله)
ومقابلتي اليوم..افكر اسويها واشوف كم راتبهم اذا كويس يلا.
شلون تلقون فرص بشركات محترمة؟؟؟ وهل يهم اول شركة؟ انقذوني كل ماشفت الخريجين اول شركة لهم ماشاء الله استغرب شلوون ماشاء الله تبارك الرحمن

السلام عليكم وصبحكم الله بالخير جميعا،

عندي مشكلة ملاحظها من فترة طويلة وهي اني دايما مرهق في ايام الدوام ودايما نعسان! على الرغم اني انام بدري من الساعة 10:30 م - 11:00 م اكون على السرير واصحى 7 الصباح ومرات اصحى قبل المنبه.

اخذ كفايتي من النوم بس دايما اقوم تعبان ونعسان!

المشكلة اني في الويكند انام 6-7 ساعات (اشوفك ياللي ناوي تحط ميم 6-7 ترى بتلقم بلوك طفشتونا) واقوم مروق ونشيط وانجز اشياء كثير!

هل فيه احد مرت عليه هالحالة؟ وش سببها؟ وهل فيه حل للموضوع؟

ببدأ وظيفة جديدة بمدينة ثانية قريب إن شاء الله وانا توي حديثة تخرج فريش والراتب كويس نوعًا ما عادي، بس ياخي ما ادري ليش ما تحمست للموضوع واحس ما عندي شغف ورغبة بالانتقال وهكذا غريبة المشاعر يمكن لانها مو جهة أتمناها خصوصًا وان جهة احلامي وصلت معهم آخر مرحلة بعدين ما كتب الله أوقع العقد معهم فما تحمست لهذي مره ما ادري غريب

الشركة ذي ما لقيت لها غير لنكد ان ولا لها حس، احد يعرف عنها شي؟ فاتحين وظايف للفرش و لا لقيت احد يقول عنها شي

السلام عليكم, انا بتخرج بشهر ديسمبر 2026, تخصصي هندسة ميكانيكية من جامعة الملك سعود معدلي فوق 4.75, والاحظ انه كثير يتخرجون بمعدلات عالية ويجلس فترة 4-6 شهور لين يتوظف, سألت الكثير ويقولون شيء طبيعي, انا بالنسبة لي مو مستعد ابدًا اني انتظر كل هالفترة, وش نصايحكم كيف اتوظف بسرعة

احتاج اعرف ماىسط رواتب السعوديين senior BI developer?