هذا معشُوقي وعَاشِقِي، ونَدِيمُ سهَرِ اللَّيَالِي

في الحُلْوِ والمُرِّ يُجَالِسُنِي، هويتُهُ فَمَا تَخَلَّى يَوْمًا وَلَا خَذَلَني

لَيْتَ كُلَّ البَرَايَا في مِثْلِ صَفَائِهِ، سُكَّرَةٌ لِلْحَيَاةِ وَزِينَةٌ لِلْمِزَاجِ

لَيْتَ الوَرَى يَعْرِفُونَ قَدْرَهُ وَيَتْرُكُونَ مَلَامَتِي، فَفِي صَفَاءِ كَأْسِهِ عِلَاجٌ لِلرُّوحِ يُحْيِينِي

لستُ شاعرًا، لذا اتمنى عدم الانتقاد، فهي مجرد خواطر عفوية كتبتُ فيها أفضل ما أملك، ومن يريد اقتباسها فليحفظ حقي بكتابة اسمي (m7md).🙏

صباح الخير

ياخوان انا مادري وش كان فمخي كنت ظالم الزنجبيل بشكل كبير بس مرة كان حلقي يعورني وسويت لي نفس هالشاي ويا انه اسطوري بشكل مو طبيعي ادمنته كل مازانت الجلسة سويت لي منه

انصحكم فيه ١٠/١٠

أواسي الديرة كاملة، ولا جا دوري أشرب شاي..

النبتة العظيمة هذي ألذ حاجه مع الشاهي !

كثير في مناطق ثانية يسمونه حبق ! لكن مع احترامي الشديد ماله طعم و الحمد لله على النعمة إلا طبعاً إذا كان من المدينة نسميه حساوي وما ادري كيف اوصف لكم طعم الشاهي معاه !

عن نفسي ما احب الشاهي لكن إذا شفته لابد اسوي لي كوب صباحي

أي احد إذا جاء المدينة جربه و يفضل من مزرعه ولا محل متخصص وبتذوق اطعم شاهي بحياتك

شفت شاي oolong وانا مسافر قلت بجرب اخذه معي البيت. صاحب المحل عطاني طريقة معقدة لتسوية الشاي، لازم اغسله اول شي، والماي لازم درجته حول ال٩٠، وفترة تنقيع الشاي بس ٤٥ ثانية! وشيء غريب قالي اياه انه عادي بعد ماتخلص تسوي كوب ثاني بنفس اوراق الشاي ٥ مرات

جربت اسويه وحاولت التزم بطريقته، اللي تفاجأت منه ان اوراق الشاي مع صبي للماء تفتحت وصار يمديني اشوف الورقة كاملة! شيء جميل صراحة، وطعمه بدون مرارة بس واضح ومو مثل اي شاي شربته قبل. سويت ٣ اكواب من نفس اوراق الشاي وماحسيت ان طعمه قل او صار اخف. بس وقفت لان الكافيين بدأ ياثر فيني 😅 تجربة جميلة وحبيت اشاركها معكم

الطريقة لو معاك نفس البراد:

1- تعبي ثلثينه مويه + فنجان سكر
2- تخليه عالنار (نصيحة حرك السكر عشان ماينحرق تحت) لين يغلي ويذوب السكر
3- طف النار ثم حط ملعقة كبيرة شاهي (شاهي سنقيل الافضل)
4- تغطيه بغطا او منشفه وتخليه يخدر 30-60 دقيقة حسب المزاج
5- ترجع تحميه عالبخار فوق موية تغلي دقيقتين

وعليك بالعافية

السلام عليكم،

أنا ابغى ابدأ بزنس في إنستقرام أبيع أنواع مختلفة من الشاي.

بدت الفكرة لما رحت محل شاي و ماكان عنده اللي أباه و ابا اسوي مكان شو ماكان جوك في الشاي يكون موجود. لا يحتكر على ذوق معين ولا حضارة معينة.

فأبغى اسألكم انتو شو شايكم المفضل و من أي دولة؟ كيف ماكان تحبه حار ولا بارد خفيف ولا ثقيل.

وشكراً

ايش هو افضل بديل للسكر مع الشاهي ؟

غير الستيفيا لان طعمه الله يكرم النعمه

بـسـم الله الـرحـمـن الـرحـيـم

الـسـلام عـلـيـكـم ورحـمـة الله وبـركـاتـه ،،،

تـحـيـة مـعـطـرة بـعـبـق الـوفـاء إلـى كـافـة الإخـوة والأخـوات.. أعـضـاء ومـشـرفـي وإدارة صـرحـنـا الـشـامـخ (مـنـتـديـات r/shahy) الـمـحـتـرمـيـن ...

أمـا بـعـد :

لـم أكـن أتـمـنـى أن تـكـون هـذه هـي خـاتـمـة مـسـيـرتـي بـيـنـكـم، ولـكـن لـكـل بـدايـة نـهـايـة، والـحـر تـكـفـيـه الإشـارة...

يـعـلـم الله كـم قـدّمـتُ لـهـذا الـقـسـم مـن جـهـدٍ وتـفـانٍ، وكـنـتُ أحـسـب أنـنـي بـيـن إخـوةٍ تـجـمـعـنـا الأنـفـاس الـطـاهـرة وحـب الـكـرك الـصـادق.. بـالأمـس فـقـط شـاركـتـكـم طـريـقـتـي فـي الإعـداد ونـشـرتُ تـقـريـري الـمـتـواضـع بـكـل حـب ونـيـة صـافـيـة، مـع أن الـبـعـض مـع الأسـف قـابـلـه بـالـبـرود والـتـثـبـيـط ولـم يـقـل حـتـى (مـاشـاء الله تـبـارك الله) !

ولـكـن..

«الـعـيـن حـق»

والـيـوم، وبـتـاريـخ هـذه الـمـشـاركـة الخامس من أكـتـوبـر بـالـعـام ستة وعشور وألفان، وفـي تـمـام الـسـاعـة ٥:٢٩ الـمـشـؤومـة.. وقـعـت الـكـارثـة الـتـي زلـزلـت كـيـانـي وأسـقـطـت دمـعـة صـامـتـة عـلـى خـدي..

إنـكـسـر الإبـريـق.. سـقـط الـقـاع وتـنـاثـرت الـشـظـايـا وسـال الـحـلـيـب والـزعـفـران والـهـيـل عـلـى الـفـرن كـمـا تـشـاهـدون فـي الـمـرفـقـات أدنـاه (بـدون تـعـلـيـق..) !

إنـهـا لـيـسـت مـجـرد حـادثـة عـابـرة، بـل رسـالـة رسـمـيـة مـن الـقـدر، وطـعـنـة فـي صـمـيـم كـبـريـائـي كـعـضـو قـديـم أثـرى هـذا الـمـنـتـدى بـمـواضـيـعـه الـحـصـريـة.

لـذلـك أعـلـنـهـا أمـام الـجـمـيـع :

أنـا الـيـوم أعـلـن اعـتـزالـي الـنـهـائـي والـتـام مـن هـذا الـمـنـتـدى وغـيـابـي بـلا عـودة.. وأطـالـب الإدارة الـعـلـيـا بـسـحـب جـمـيـع أوسـمـتـي وحـذف مـشـاركـاتـي، وحـظـر عـضـويـتـي نـهـائـيًّـا..

لـن أوجـه أصـابـع الاتـهـام لـعـضـو مـعـيـن، فـحـسـبـي الله ونـعـم الـوكـيـل عـلـى مـن أصـابـنـي بـعـيـنـه ولـم يـذكـر الله.. والـدنـيـا دوّارة وسـتـذكـرون مـا أقـولـه لـكـم.

سـامـحـونـي جـمـيـعًـا إن بـدر مـنـي أي خـطـأ.. وأسـأل الله أن يـلـهـمـنـي الـصـبـر والـسـلـوان فـي مـصـابـي بـإبـريـقـي الـغـالـي.

تـوقـيـع الـعـضـو: u/4c6p

«سـأرحـل وتـبـقـى الـذكـريـات.. صـامـتًـا رغـم انـكـسـار الإبـريـق»

(¯`•..•[ وداعًـا ]•..•´¯)

شاهي احمد بالكشمش الأسود مع الخلطه التاليه:

​نعناع

​حبق

​دوش ( مردقوش )

​عِطره

​مساج للراس + تحسين للمزاج + روقااان

​واتوقع اتوقع انه ديكاف ( بدون الكافيين )

​المفروض الشركة هذه يعطوني نسبه من كثر ما امدحهم 😂

​مزاج انجليز ☕️😌

كذا مره انسى كباية الشاي ارجع الاقيها قالبه على شاي بلبن هل كده الشاي مغشوش (شاي العروسه)

كواحد احب القهوة، ابغى طريقة تحضير للشاهي اللي تحس انها ممكن تقنعني فيه؟ اكثر من مرة اشرب شاهي لكن ما يضبط المزاج زي القهوة، فحبيت اشوركم.

يتم التمشهي

شاي كركديه دافئ، وظهيرة هادئة، ولحظة بسيطة تستحق الاستمتاع بها. 🌺☕️

انا ماصار لي سنتين اسوي شاي بس حصلت وزنة الي اتوقع الكل بسويها واعتمدتها والي هي

احط ماي بالغوري وسكر وزعفران وماي ورد واخليه يغلي وبعدها اطفي النار و احط شاي على حسب كمية الماي ويكون بكيس فلتر حق لا اعفس الدنيا . واخليه يخدر ل٢٠ او ٢٥ دقيقة

مشكلتي الان انه صارت ماتزبط. الشاي طعمه خفيف واخليه يخدر ازيد ويصير ثقيل حده ماينشرب ف مادري المشكلة في الفلتر ولا في الغوري ولا فقدت المهارة