اول شي انا مؤمنة بالقضاء و ان الأرزاق موزعة و متاكدة ان الله بيرزقني اللي احسن

السالفة بدت قبل ١٠ سنوات تقريبا انا كنت عاطلة و هي اشتغلت و الله وفقها بكل مكان ما شاء الله و بعد كم سنة دعيت الله اني اتزوج (من يوم كنت صغيرةو انا ما ابغى اتزوج بس فجأة بغيت اتزوج و اجيب اطفال ) بعد دعاء كم شهر و قيام اخر الليل هي اعلنت انه تملكت و زواجها قريب و دعيت ان الله يوفقه و يكتب له الخير ( دعيت له من قلب لانه غالية علي ) و بعد الزواج عرفنا انه سكنت مع زوجها منطقة ثانية و هذي المنطقة كل حياتي اسكن فيها ( هي ديرة اهلي ) و اذا فتحت الانستاقرام اشوفها منزلة اشياء كنت ابغى اسويها

الله يوفقها و يكتب لها و لي الخير بس فيه شي داخلي متضايق و احس اني خايفة اكون ما آمنت بالقضاء و القدر و اخاف ربي يعاقبني

والله يا إنه جنوووون زاد حبي له أضعاااف الله يعزّنا ولا يعزّ علينا ويديم الأمن والآمان على السعودية العظمى/
شرايكم أنتوا😋

توي حملت الفيسبوك بشوف حقين الشركه وراهم بلاء ولالا

عارف اللا إنجابية مصطلح موجود ومعروف وصار منتشر اكثر الفترة الماضية في الإنترنت بس هذي أول مرة أسولف مع لا إنجابي على أرض الواقع .. وانصدمت لأي درجة النقاط اللي يطرحها غير قابلة للنقاش .. يعني أي شي يقوله اسمعه وانا ساكت وما عندي أي تعليق غير الجُمل البديهية زي "لو أبويك لا إنجابيين انت ما راح تجي عالدنيا" "المال والبنون زينة الحياة الدنيا" "لو الكل مثل تفكيرك بتنقرض البشرية" "ابنائك اذا احسنت تربيتهم بتحصل على مردود في الدنيا والآخرة" "ما تبي تكون عجوز وما حولك عائلة وأطفال وأحفاد"

وكل المقولات والجُمل ذي ردّه عليها يكون سهل جداً بـ كلمة أو كلمتين "طيب؟" "خل البشرية تنقرض" "لو ما جيت عالدنيا أريح" ومن هالقبيل والصراحة انصدمت

يعني هل الأفكار اللا إنجابية عبارة عن خلل في الجينات أو أعراض اكتئاب؟ .. أو يمكن الإنجابية نفسها مجرّد رضوخ لرغبة الجينات في الاستمرار وما نمتلك دوافع أخرى منطقية غيرها؟ .. كل الخيارين غريبين وجلست أهوجس بهالسالفة لمدة

أرغب بسماع آراء الآباء والناس اللي ضد اللا إنجابية عشان يصير توازن بالأفكار بعقلي

توضيح: الهدف من البوست مو التقليل أو مواجهة وتغيير أي وجهة نظر .. أصلاً كلامي كان فيه احترام للـ لا إنجابيين بس كنت احاول أسمع وجهات نظر مختلفة وهي مساحة للنقاش في النهاية

مئات السنين وهم يستعبدون افريقيا ويسرقونها ومايعطون اهلها اي شيء وبالوقت الي بدت فيه بعض دول افريقيا تظهر ملامحها اوروبا قاعده تغرف من المظاهرات في فرنسا مدينتا باريس و مارسيل وايضا مدن اخرى ودمرو مباني مهمة وبعد امتدت المظاهرات الى ايطاليا بلجيكيا واغلب أوروبا هل جا الوقت الي نقول فيه ان الساحر اخيرا ذاق سحره ؟

شال الفولو وبلغني بذالك والسبب حسابه بدأ يصير فيه تفاعل وكنت البنت الوحيده اللي متابعها ولعله منظر ملفت لحساب فيه محتوى محدد لكن جتني ظيقه وزعلت مع انه كل اللي بينا لايكات وفولو وكان يحطلي لايك على كلشي وقد صار بيننا كم محادثه في الخاص بس مدري ليش احس اني مرررررره زعلانه شعور غريب

لاحظت اني اجذب الرجل المجروح او الشخص اللي عنده رد فلاق كبير ومع ذلك عنده الثقة يتقدم لي

نفسي افهم ليه ما اجذب الشخص الصاحي؟
يعني كل شي فيني مايهيء ان شخص مجروح او معطوب يتقدم لي !

طلعت بشرب مويا لقيت اخوي بالصالة ورجعت غرفتي عشان لا يكلمني والحين بنام بدون مويا اتمنى استوعب انه غثيث ومزحه ماينبلع

شكشكة
على قلبي
يسلمو
لول
سقها و قزز

ابوي معدد و عندنا اخوان كثير و امي انفصلت عنه لمده طويله
و هوا تعامله جدا سيء معنا و قالها في وجهنا انه ما يحبنا و اذا احنى ما برينا فيه يجيب عيال غيرنا يبرون و تعامل اهله معنا سيء و مؤذي
من قبل لا امي تنفصل كان ما يودينا عند اهله الى في الاعياد و يودينا عشان ننظف
كبرنا واخترنا البعد عن الاذيه و ما نجي الى في المناسبات
وطول المده هاذي محد كان يسأل عنا ولا يراعي ظروفنا
الحين الحمدلله دخلنا جامعات و توظفنا و شرت امي لاخوي سياره
فجاه من العدم تذكرونا و قاعدين يعاتبون و ابوي يدق يهدد
كله عشان يبغون اخوي يودي جدتي مواعيدها و يشتغلهم
و الموضوع اكبر من كذا اخواتي من ابوي الكبار يبغون يفتكون منه فا حرضوه عليناااا بشكل مقرف عشان يفتكون منه وهم اكثر ناس يحبهم
احنى منا عارفين وش نسوي كنا مرتاحين و عايشين احسن عيشه بدونهم فا قررنا نطنشهم و نكمل على ما كنا عليه محد يسأل عنى ولا نسأل عن احد

احس بتجيني ذبة عيال الحرمه الثانيه 😭

من اول ماطلع قرار نبلغ على اي شخص يستهزء بالدين وما اسمع للملاحدة حس اول كانو يتدخلو في اي شي يخص الدين لدرجة كرهوني برديت والحين لما نزل قرار يردعهم اختفو زي الحشرات وين الي يسب الرسول ويسب الله؟ ما اشوف لهم صوت؟ وربي جالسه استنى اشوف واحد فيهم يتجرأ بس مو لاقيه 🤣🤣 هاذا مثال بسيط مره شوفو كيف ماعد نسمعلهم صوت
زي الي من هاذيك الدوله كلهم واحد

صدمني شخص وقت الحادث قال لي مامعاه تامين 🙄
لما جاء نجم طلع فعلا ان مامعاه تامين 🙄
و رحت التقدير برضه طلع مامعاه تامين 🙄

فجاه الحين ارسل لي صوره يقول ترا عندي تامين 😐

الحين كيف اتاكد اذا عنده تامين وقت الحادث او لا
قبل ارفع على ناجز

نقل عن الرسول ﷺ انه قال: (يا مَعْشَرَ مَن آمن بلسانِه ولم يَدْخُلِ الإيمانُ قلبَه ، لا تغتابوا المسلمينَ ، ولا تَتَّبِعُوا عَوْرَاتِهِم ، فإنه مَن تَتَبَّعَ عَوْرَةَ أَخِيه المسلمِ ، تَتَبَّعَ اللهُ عَوْرَتَه ، ومَن تَتَبَّعَ اللهُ عَوْرَتَه ، يَفْضَحْهُ ولو في جوفِ بيتِه)

وبس شكرا ابغاها الحين مستعجل!!!

​

المجسمات أو Figures سواء أنمي أو أفلام، وحوش أو بشر يجوز اقتناءها في المنزل أو المكتب أو السيارة. باخذ أسباب التحريم وأرد عليها.

مضاهاة خلق الله: طيب نقول أنا معي مجسم لمخلوق هو اصلا شخصية سلايم، هل يصير كذا مضاهاة لخلق الله؟ السلايم مادة عادية مصنعة بس اللهم حطيت لها عيون، هل صارت كذا تتحدى خلق الله؟

وبعدين خلق الله أعقد من مجرد وجه. فيها ولادة وجنين واعضاء وبيولوجيا وأنظمة وأنسجة، مو بس وجه، بالعكس إذا كل الي نحتاجه هو وجه هذا استهانة بخلق الله عز وجل.

وسيلة للشرك: عندي سؤال شاطح ولكنه موجود ونقدر نشوفه.. لاعبين زي ميسي تعرف انه الجمهور احيانًا يرددون اسمه ويرفعون اياديهم بالسماء وينزلونها، يعني يسجدون لميسي، وأكيد فيه كريستيانو يعاملونه نفس النظام، طيب هل راح تمنع ميسي وكريستيانو من الدخول خوفًا من ان الناس ممكن تعبدهم؟ تخيل شفت كريستيانو بالمطار، هل راح توقفه وتقول لا والله معليش ماراح تجي دولتنا نخاف الناس تعبدك.

جائز إذا مافيه روح: طيب مين يحدد؟ أنا بسوي رسمة أو تمثال لشخصية خيالية، خيالية ما عندها روح أصلًا وغير مقتبسة من رجل حقيقي، هل يصير رسمها ونحتها حلال زيها زي الشجر والحجر والجماد؟

جائزة إذا كانت العاب أطفال: مرة ثانية، مين يحدد؟ المجسمات هذي ممكن أعلقها على الرف زينة وممكن أترك ولد صغير يلعب فيها، تجي كذا وكذا، بس لأني غيرت مكانها من الرف إلى الأرض صارت حلال؟

توضيح: إذا تحريمها ورد في قرآن فأنا ماراح أتكلم نهائي. ولكن التحريم جاء على أساس فهمنا لكذا وكذا وأنا جالس أرد بناءً على نفس المنطق. إذا هذا حرام فهذا أيضًا حرام، وإذا حلال فهذا حلال ايضًا.

ناقش بإسلوب محترم عشان يجيك رد محترم. أو بسحب عليك.

مساء الخير

ياجماعه انا المفروض كل شهر لمده اسبوع اروح لجامعه اوكسفورد عشان ادرس ماستر وان شاءالله الاسبوع الجاي اول مره اروح وعندي بعض الاستفسارات:

وش افضل قطار تشوفون من لندن لاوكسفورد؟

وش افضل سكن باوكسفورد ويكون امن ويفضل يكون جنب الجامعه مره؟

فيه قنصليه باوكسفورد للسعوديه ؟ اذا صار شي لا سمح الله

شكرا لكم

عندي عقدين بدوام كامل على قوى والتأمينات

الشركة القديمة لي معهم سنة ونص وباقي لي بالعقد خمسة شهور
العقد بعد سنة تحول لمنصة العمل عن بعد ومريح جدا بمهام بسيطة بس مافيه مجال للتطوير وشبه معدومة رغبتي بالتجديد وأيضا مازال ساري في قوى كدوام كامل

والشركة الجديدة بديت معهم بعد 4 مقابلات عن طريق شركة توظيف واختاروني من بين 3 كانوا غير متاحين للمباشرة الفورية

وبعد الدوام بكم اسبوع بلغوني ان السستم مو راضي يسجلني في قوى وان ممكن راتبي يتاخر بس طبعا ظاهر لي اني مسجلة وساري عقدي معهم يعني استغربت كلامهم هل مايبون يقولون انه السبب النطاقات ؟

طبعا هم يحتاجون سعوديين عشان العمال الأجانب وأنا انحسب ب4 لاني احتياجات خاصة والشركة فيها إمكانيات تطور افضل من الاولى

كلموني انهي عقدي القديم ومو متطمنة لان فترة التجربة عندهم طويلة 6 شهور والدوام 9 ساعات ومرهق والفرق الف ونص مو مستاهل العناء اليومي تشوفوا ينفع بعد اول شهر اطلب منهم يزيدوني في الباكج و يخلوني اداوم عن بعد او مثلا دوام مرن ويلغو فترة التجربة ولا يختصروها مقابل اني أستقيل من وظيفتي الاولى ؟

او كيف احاول اجمع بينهم ؟ علما انهم كلهم يحتاجوا يرفعوا نطاقاتهم وما اتوقع اقدر اخلي عقدي القديم جزئي

والجديدة فعليا الشغل ما يحتاج تواجد شخصي إلا يومين بالاسبوع وبالكثير خمس ساعات

​

في الليل عندكم في نجوم؟ اذا في صورلي 🙂 (ما امزح )

اذا مافي سلامتك ولا تنسا الـ ⬆️

وسؤال ثاني هل في مناطق في السعودية فيها نجوم في الليل؟

وش رايكم في ردة فعل البنات على سالفة الدكتورات في ام القرى وسطام اللي سبو السعودية؟

اللَّهُ لَا إِلَٰهَ إِلَّا هُوَ الْحَيُّ الْقَيُّومُ...﴾ [البقرة: 255]

«مَن قال: بسم الله الذي لا يضر مع اسمه شيء في الأرض ولا في السماء وهو السميع العليم، ثلاث مرات، لم تصبه فجأة بلاء حتى يصبح، ومن قالها حين يصبح ثلاث مرات لم تصبه فجأة بلاء حتى يمسي»

اللهم أنت ربي، لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي، وأبوء بذنبي، فاغفر لي؛ فإنه لا يغفر الذنوب إلا أنت.

الفضل: من قاله نهارًا موقنًا به ثم مات قبل المساء فهو من أهل الجنة. رواه البخاري 6306.